- 404 -

1404. (?) Mai 29. Olmütz.

Ruprecht . . herczog vnd herre zu Legnicz.
Getrowen liebin, als wir euch vormols von des kunigis von Vngern wegen geschreben habin, das der willen habe gen Polan die Breslawer vnd stete zubischedigen vnd das hot vns heute vor wore in eynem geheyme der bisschoff von Olmuncz gesagit, das sich dy Herrischen herren gemeynlich die besten dem egenanten kunige zu derselben reyten stark sollen gereyten, die sich iczund stark gesampt habin vnd noch alle tage sammen vnd herczog Przemke em ouch dozu leute sendin solle, der gereit vil leute hat. Dorumme besendit ee ebessir man vnd lehnleute vnd werdit mit en zurate, das hows zu beseczen mit etczlichen lantleuten vnd allin gebawern zu gebieten, wen das geschree kompt, das sy mitynandir mit alle irr macht gereit seyn zu helffen dem bunde der fursten vnd stete, vnd vff vnsern herren vnd brudir sehet, was er euch heist tun, das ir em des gehorsam seit, als vns selbir vnd last das ouch gen dem Goltberge wissen vnd last wol zu den steten zu sehen vor vorrechniss. Ouch seyn wir am dienstage zu obende gen Olmuncz komen vnd legen vnd harren noch da noch geleite des marggraffen, der vns geschreben heute hat, das er vns von stadan wolle geleite, das wir hoffen, das vns das bis morne kome ist das zo volczihe wir, ouch seyn herczog Cunrad vnd der von Tesschen crang wurden, das sie mit vns nicht czihen, zundir wir alleyne mit dem von Monsterberg volczihen kompt vns geleite. Gebin zu nacht zu Olmuncz in die corporis Christi.

Rückaufschrift: Vnsern getrawen ratmannen vnd houerichtern zu Legnicz.

Orig. Königl. Bibl zu Berlin, Ms. Borus. f. 567. No. 38.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866